კოლუმბიაში მეწყერს სულ მცირე 250 ადამიანი ემსხვერპლა, 400 კი - დაშავდა. სამაშველო სამსახურები ასობით დაკარგულს ეძებენ.
ტალახიანი მეწყერი ქვეყნის სამხრეთ-დასავლეთში მდებარე ქალაქ მოკოას დაატყდა თავს. სტიქია ძლიერმა წვიმამ გამოიწვია.
სამაშველო სამუშაოებში ათასზე მეტი ჯარისკაცი და პოლიციელია ჩართული.
პრეზიდენტმა ხუან მანუელ სანტოსმა რეგიონში საგანგებო მდგომარეობა გამოაცხადა.
