ინდოეთში, ქალაქ კოლკატაში მშენებარე ესტაკადის ჩამონგრევის შედეგად დაღუპულთა რიცხვი 24-მდე გაიზარდა.
2-კილომეტრიანი ესტაკადის მშენებლობა 2009 წელს დაიწყო და დასრულების ვადამ რამდენჯერმე გადაიწია.
ოფიციალური მონაცემებით, მაშველებმა ნანგრევებიდან 90-ზე მეტი ადამიანი გამოიყვანეს, რომელთა ნაწილიც საავადმყოფოებში კრიტიკულ მდგომარეობაში იმყოფება.
ჯერჯერობით უცნობია, არის თუ არა ნანგრევებში კიდევ ვინმე დარჩენილი.
