საქართველოს შინაგან საქმეთა მინისტრი ვახტანგ გომელაური სტიქიის შედეგად ერთი ადამიანის დაღუპვას ადასტურებს. როგორც მინისტრმა რუსთავი 2-თან საუბრისას განაცხადა, ერთი ადამიანი წყნეთი-ბეთანიის გზაზე მეწყერის შედეგად დაიღუპა. 7-8 ადამიანი დაშავდა. მისი თქმით, დაშავებულთა შორის არიან აშშ-ის მოქალაქეები.
მინისტრის თქმით, დაკარგულია ხუთი ადამიანი. გომელაურმა არ დაადასტურა ცნობები პოლიციელთა და მაშველთა შორის მსხვერპლის შესახებ.
გომელაურმა აღნიშნა, რომ მოქალაქეთა უსაფრთხოების მიზნით, პოლიციას ზოიოპარკიდან გაქცეული რამდენიმე ცხოველის ლიკვიდაცია მოუხდა.
