ამერიკულ პრესაში გააკრიტიკეს ვლადიმირ პუტინი ფრაზის გამო, რომლითაც მან ჩიკაგო ალ კაპონეს ქალაქად მოიხსენია. ეს ოთხშაბათს მოხდა, როცა რუსეთის პრემიერ-მინისტრმა თავი აარიდა პასუხი გაეცა ერთ-ერთი ჟურნალისტის შეკითხვისთვის - აპირებს თუ არა ჩიკაგოში ჩასვლას მაშინ, როცა იქ ნატოს ლიდერები შეიკრიბებიან? ”ჰო, ამბობენ რომ კარგი ქალაქია, იქ ალ კაპონე ცხოვრობდა.” - ამ სიტყვებით ამოწურა რუსეთის პრემიერ-მინისტრმა თავისი პასუხი. ჟურნალისტმა რობ მანკერმა The Chicago Tribune -ში გამოთქვა მოსაზრება, რომ პუტინის ეს ცინიკური გამოხტომა შესაძლოა განაპირობა მისმა გაღიზიანებამ რუსეთში ჩატარებულ არჩევნებზე გამოვლენილი დარღვევების გამო და ამასთან იმან, რომ ჩიკაგოელ ბარაკ ობამას მისთვის არ დაურეკავს არჩევნებში გამარჯვების მისალოცად.
ვლადიმირ პუტინი
