რუსეთის მმართველებმა და პარტია ” ედინაია რასიამ” მხარდამჭერების მნიშვნელოვანი ნაწილი დაკარგეს, ამის შესახებ სააგენტო ”როიტერი” ”ლევადა ცენტრის” მიერ ჩატარებული სოციოლოგიური კვლევის შედეგებზე დაყრდნობით წერს. სააგენტოს მოჰყავს ცენტრის ერთ-ერთი სოციოლოგის მოსაზრება, რომ კვლევის შედეგები აჩვენებს რუსეთის პრეზიდენტად დაბრუნების თაობაზე პუტინის გადაწყვეტილებით მოსახლეობაში შექმნილ განწყობას. წინა საპარლამენტო არჩევნებამდე არსებული პერიოდისგან განსხვავებით, პუტინის პარტიის რეიტინგი ერთი-მეოთხედით არის დაცემული. კვლევის მიხედვით , საპარლამენტო არჩევნები უახლოეს დღეებში რომ ტარდებოდეს, რუსეთის მმართველი პარტია 60- -ის ნაცვლად 51 პროცენტს მიიღებს. ”ლევადა ცენტრმა” გამოკითხვა 28 ოქტომბრიდან 1 ნოემბრამდე ჩაატარა, შედეგების თანახმად, პუტინის მუშაობას რუსეთის მოქალაქეების 61 პროცენტი იწონებს, მაშინ , როცა ერთი კვირით ადრე 66 პროცენტი იწონებდა, მედვედევის მუშაობით კმაყოფილია 57 პროცენტი, გამოკითხვამდე ერთი კვირით ადრე კი კმაყოფილი 62 პროცენტი იყო. ” როიტერის” ცნობით, მსგავსი მაჩვენებლით პუტინის რეიტინგი - 2000 წელს, კურსკის ტრაგედიის შემდეგ დაეცა.
ვლადიმირ პუტინი
