Amazon-ის ქლაუდ სერვისის კომპანია AWS-ის გათიშვის გამო რამდენიმე პოპულარულ ვებსაიტსა და აპლიკაციას, მათ შორის, Snapchat-ს, Fortnite-სა და Amazon-ის სხვადასხვა პლატფორმას შეფერხება შეექმნათ.
ამასთან, AWS-ის გათიშვას შეფერხებები დაუკავშირეს ხელოვნური ინტელექტის სტარტაპმა Perplexity-მ, კრიპტოვალუტის ბირჟა Coinbase-მა და სავაჭრო აპლიკაცია Robinhood-მაც.
AWS კომპანიებს, მთავრობებსა და ფიზიკურ პირებს მონაცემთა შენახვას და სხვა ციფრულ სერვისებს სთავაზობს.
ამავდროულად, Downdetector-ის ცნობით, შეფერხებით მუშაობდა Amazon-ის სავაჭრო ვებსაიტი, PrimeVideo და Alexa-ც.
გათიშული იყო კომპიუტერული თამაშების აპლიკაციები Fortnite, Roblox, Clash Royale და ასევე პრობლემები შეექმნათ ისეთ ფინანსურ პლატფორმებსაც, როგორებიცაა Paypal-ის Venmo და Chime.
