3 ოქტომბერს, ერთი დღის განმავლობაში, უცნობი დრონების გამოჩენის გამო, მიუნხენის აეროპორტმა მუშაობა ორჯერ შეწყვიტა. ამჟამად ობიექტის ფუნქციონირება განახლებულია.
აეროპორტმა მუშაობა მეორეჯერ ადგილობრივი დროით ღამის თერთმეტ საათზე შეწყვიტა და გამთენიისას განაახლა. აქამდე ასაფრენი ბილიკების ტერიტორიაზე სამხრეთისა და ჩრდილოეთის მიმართულებით დრონები შენიშნეს. უცნობია ვის ეკუთვნოდა დრონები.
აქამდე დრონების გამოჩენის გამო აეროპორტმა მუშაობა 2 ოქტომბრის საღამოს შეწყვიტა.
გასულ თვეში მსგავსი შემთხვევების გამო სამი აეროპორტი დროებით დაიხურა დანიაში, ერთი ნორვეგიაში, ერთიც კი, დრონების სავარაუდო დაფიქსირების გამო, ლიტვაში.
