დღეს ბრიუსელში, ევროპის საბჭოს შეხვედრის ფარგლებში, შევხვდი საფრანგეთის პრეზიდენტ ემანუელ მაკრონს. მადლობა გადავუხადე ემანუელს უკრაინის მხარდამჭერი მკაფიო და პრინციპული პოზიციისთვის, ასევე ახალი, უფრო მასშტაბური ნაბიჯების გადადგმის აუცილებლობის აღიარებისთვის, რათა დავიცვათ ჩვენი მთელი ევროპა – ჩვენი ხალხები, ჩვენი ინსტიტუტები და ჩვენი ევროპული ცხოვრების გზა.
ჩვენ განვიხილეთ 11 მარტს დაგეგმილი შეხვედრა იმ ქვეყნების სამხედრო წარმომადგენლების დონეზე, რომლებიც მზად არიან, კიდევ უფრო დიდი ძალისხმევა გაიღონ საიმედო უსაფრთხოების უზრუნველსაყოფად და ომის დასრულებისთვის. შევათანხმეთ ჩვენი პოზიციები და მომდევნო ნაბიჯები.
ჩვენ გვაკავშირებს აბსოლუტურად ნათელი და საერთო ხედვა, რომ რეალური და მდგრადი მშვიდობა შესაძლებელია უკრაინის, მთელი ევროპის და ამერიკის შეერთებული შტატების თანამშრომლობით. ომი უნდა დასრულდეს რაც შეიძლება მალე.
