აზერბაიჯანმა რუსეთის დუმის დეპუტატი, ნიკოლაი ვალუევი პერსონა ნონ გრატად გამოაცხადა. გადაწყვეტილების მიზეზი ვალუევის მიერ ბაქოში რუსეთის კულტურული ცენტრის დაკეტვასთან დაკავშირებით გაკეთებული კომენტარია.
" ნიკოლაი ვალუევის მიერ გაკეთებული შეურაცხმყოფელი განცხადებები აზერბაიჯანისა და ჩვენი ხალხის მიმართ, მისი მუქარის შემცველი კომენტარები ჩვენი ქვეყნის წინააღმდეგ სრულიად მიუღებელია" – წერია აზერბაიჯანის საგარეო საქმეთა მინისტრის, აიხან ჰაჯიზადას განცხადებაში.
გასულ კვირას, ვალუევი გამოეხმაურა აზერბაიჯანში რუსული სახლის დახურვას. აზერბაიჯანმა რუსეთს 3 თებერვალს გაუგზავნა წერილი, სადაც აღნიშნულია, რომ ბაქოში მდებარე ოფისი არ არის იურიდიულ პირად რეგისტრირებული, რაც კანონდარღვევაა.
ვალუევი გამოვიდა ინიციატივით, რომ რუსეთში საპასუხოდ დახურონ აზერბაიჯანული დიასპორის ორგანიზაციები.
