ეს არის სიყალბე და რაღაც ვირტუალური სამყაროს შექმნა, რისი მცდელობაც აქვთ - რაც 2012 წლამდეც იყო. მაშინაც იგივე დამოკიდებულება და მდგომარეობა იყო. რაღაც ვირტუალური საქართველო შექმნეს და გარედან ჩვენი ქვეყნის მოსახლეობას ეუბნებოდნენ, რომ თურმე, სააკაშვილის სისხლიანი რეჟიმი დემოკრატიის შუქურა იყო [...] დღეს სიტუაცია პირიქითაა. ქვეყანაში გვაქვს სიტყვისა და გამოხატვის თავისუფლება, ნამდვილი დემოკრატია [...] ამ მოცემულობაზე კი გვეუბნებიან, რომ დემოკრატიის თვალსაზრისით უკან გადადგმული ნაბიჯები გვაქვს. ეს ძალიან დიდი სიყალბე და სიცრუეა [...]
არ ვიცი, ქვეყანაში ჩემზე პროევროპელი და თუნდაც პროამერიკელი ადამიანი რამდენი შეიძლება დადიოდეს, მაგრამ ჩემთვის პირველი და უმნიშვნელოვანესი ჩემი ქვეყანა, ჩემი სამშობლოა. პირველ რიგში, მე პროქართველი ვარ და პროქართულ პოლიტიკას ვატარებ [...] ჩვენს სტრატეგიულ პარტნიორობას პატივს ვცემთ, მაგრამ ამ ტიპის განცხადებები ამ ურთიერთობებისთვის დამაზიანებელია. მაგრამ, გარწმუნებთ, რომ როგორც კი არჩევნები დასრულდება და რუსეთ-უკრაინის ომი მილევად რეჟიმში გადავა, ყველაფერი დალაგდება.
