საქართველოს მეცნიერებათა ეროვნული აკადემია ნამდვილ წევრთა (აკადემიკოსთა) და წევრ-კორესპონდენტთა ასარჩევად ვაკანსიებს აცხადებს, ჩამონათვალში სულ 23 სპეციალობის ვაკანსიაა.
განცხადებაში ვკითხულობთ, რომ "საქართველოს მეცნიერებათა ეროვნული აკადემიის ნამდვილ წევრად (აკადემიკოსად) შეიძლება აირჩეს საქართველოს მოქალაქე, საქართველოში მოღვაწე, მაღალი სამეცნიერო ავტორიტეტის მქონე მეცნიერი, რომელსაც საერთაშორისო დონის წვლილი აქვს შეტანილი მეცნიერების განვითარებაში".
ხოლო საქართველოს მეცნიერებათა ეროვნული აკადემიის წევრ-კორესპონდენტად "შეიძლება აირჩეს საქართველოს მოქალაქე, საქართველოში მოღვაწე მაღალი სამეცნიერო ავტორიტეტის მქონე მეცნიერი, რომელსაც მნიშვნელოვანი წვლილი აქვს შეტანილი მეცნიერების განვითარებაში".
მეცნიერებათა ეროვნული აკადემიის ცნობით, საბუთები კანდიდატთა რეგისტრაციისათვის 2024 წლის 9 სექტემბრიდან 9 ოქტომბრის ჩათვლით მიიღება.
