საქართველო-ჩეხეთის მატჩზე დასასწრები ბილეთების გაყიდვა დღეს, 15 აგვისტოს, 12:00 საათზე დაიწყება.
"ბილეთები მხოლოდ ონლაინ რეჟიმში გაიყიდება და მის რეალიზაციას TKT.GE უზრუნველყოფს.
საქართველო-ჩეხეთის თამაშის ბილეთის ფასი 10, 30 და 50 ლარი იქნება. თითოეულ მომხმარებელს მატჩზე დასასწრები მაქსიმუმ ორი ბილეთის შეძენა შეუძლია" - წერს ეროვნული ნაკრები.
7 სექტემბერს, 20 საათზე მიხეილ მესხის სახელობის სტადიონზე უეფას ერთა ლიგის გათამაშების პირველი ტურის შეხვედრა გაიმართება - საქართველოს ნაკრები ჩეხეთს დაუპირისპირდება.
