რუსეთის თავდაცვის სამინისტრო კურსკის ოლქში "წარმატების" დემონსტრაციისთვის ძველ ვიდეოებს აქვეყნებს. ამის შესახებ დამოუკიდებელი რუსული მედია The Insider წერს.
ჟურნალისტური გამოძიების თანახმად, ბოლო პერიოდში გამოქვეყნებული ვიდეოების ნაწილი ყალბია. ისინი სხვა დროს და სხვა ადგილებშია გადაღებული.
10 აგვისტოს თავდაცვის სამინისტრომ გამოაქვეყნა ვიდეო, რომელშიც ჩანს "როგორ მიიტანეს იერიში კურსკის ოლქში МИ-28 ტიპის ვერტმფრენებმა უკრაინის შეიარაღებული ძალების პოზიციებზე". რეალურად ვიდეო კრემენსა და ჩასოვი იარშია (ლუგანსკი) გადაღებული.
9 აგვისტოს უწყებამ გამოაქვეყნა ვიდეო, რომელშიც თითქოს ჩანს, როგორ ბომბავენ რუსი სამხედროები უკრაინულ პოზიციებს. როგორც გაირკვა იგივე ვიდეო 14 ივლისს არის გამოქვეყნებული.
რუსეთის თავდაცვის სამინისტროს მიერ გამოქვეყნებულ ყალბ მასალებს ყველაზე ხშირად სამთავრობო მედიები TACC და RIA ავრცელებენ.
