თავს უფლებას მივცემ და ორნაირად მივმართავ ირაკლი კობახიძეს - ერთი როგორც ნებისმიერ სხვა შემთხვევაში იქნებოდა, თქვენობით, ყველა ეტიკეტის დაცვით ვეტყვი, რომ ბატონო ირაკლი, თქვენ ხართ პროფესიონალი და ამ სიტყვაში ყველაფერს მოვიაზრებ, იმ თვისებებს, რომლებიც პრემიერმინისტრობისთვის საჭიროა. უდავოდ იმსახურებთ ნდობას თქვენი წარსულიდან, აწმყოდან და თქვენი სავარაუდო, უდავო მომავლიდან გამომდინარე. დარწმუნებული ვარ, თქვენ იქნებით ერთ-ერთი ყველაზე წარმატებული ლიდერი [...]
ახლა კიდევ უფრო გულწრფელი და ბუნებრივი რომ ვიყო, ირაკლი კობახიძეს ამ შემთხვევაში, როგორც მეგობარს, თანამებრძოლს, ასე მივმართავ - ირაკლი, მე არ მინახავს და არ წარმომიდგენია შენზე უღალატო, მართალი, პატიოსანი, გულანთებული და სამშობლოს მოყვარული ადამიანი. შესაბამისად, ამ ბრძოლაში და ყველა ბრძოლაში, სადაც არ უნდა წახვიდე, ჩვენ, ყველანი მოგყვებით ბოლომდე!
