13 ნოემბერს რუმინეთში NATO-ს წევრი ქვეყნებისა და უკრაინელი პილოტების F-16-ებზე მოსამზადებელი სასწავლო ცენტრი გაიხსნა.
საწვრთნელი დაწესებულება რუმინეთის სამხრეთით, Fetesti-ს საჰაერო ბაზაზე იქნება განთავსებული და NATO-ს წევრ ქვეყნებსა და მის მოკავშირეებს ფუნქციონალური თავსებადობის გაუმჯობესებაში დაეხმარება.
რუმინეთში F-16-ის ტიპის მოიერიშე თვითმფრინავებს ნიდერლანდების სამეფო სამხედრო საჰაერო ძალები ჩაიყვანს.
უკრაინის საჰაერო ძალების წარმომადგენელმა იური იგნატიმ თქვა, რომ რუმინეთი F-16-ის ტიპის მოიერიშე თვითმფრინავებზე უკრაინელი პილოტების მოსამზადებლად საჭირო ინფრასტრუქტურას ამზადებდა.
ნიდერლანდების გარდა, უკრაინას F-16-ის თვითმფრინავებს ბელგია, დანია და ნორვეგიაც გადასცემენ. კიევი მათ, სავარაუდოდ, მომავალ წელს მიიღებს.
აქამდე გავრცელებული ინფორმაციით, უკრაინელი პილოტების მომზადების შემდეგ ნიდერლანდებისგან კიევი F-16-ის 42 თვითმფრინავს, ხოლო დანიისგან 19-ს მიიღებს.
