აშშ-ში მამაკაცმა ქორწილში 12 წლის შვილიშვილი შემთხვევითი გასროლით დაჭრა.
ლანკასტერის ოლქის შერიფის ოფისის უფროსის მოადგილის, ბენ ჰუჩინის ცნობით, 62 წლის მაიკლ გარდნერი საქორწილო დღესასწაულს ხელმძღვანელობდა. დაახლოებით საღამოს 5 საათზე კი სტუმრების ყურადღების მიპყრობის მიზნით მან რევოლვერი ჰაერში გაისროლა.
"როდესაც მამაკაცმა რევოლვერის ქვემოთ ჩამოწევა გადაწყვიტა, სასხლეტს თითი შემთხვევით გამოჰკრა და შვილიშვილი მარცხენა მხარში დაჭრა". - თქვა ჰუჩინმა.
ამასთან, დაჭრილი ბიჭის დაზიანებები სიცოცხლისთვის საშიში არ იყო და ის ადგილობრივ საავადმყოფოში გადაიყვანეს.
გარდნერი ბავშვზე ძალადობისა და ცეცხლსასროლი იარაღით ადამიანის დაჭრის ბრალდებით არის დაკავებული.
