უკრაინის რადამ თავდაცვის მინისტრის, ოლეკსი რეზნიკოვის თანამდებობიდან გათავისუფლებას მხარი დაუჭირა.
ოლეკსი რეზნიკოვმა თანამდებობიდან გადადგომის შესახებ წერილი პარლამენტის თავმჯდომარეს 4 სექტემბერს ჩააბარა.
3 სექტემბერს უკრაინის პრეზიდენტმა ვოლოდიმირ ზელენსკიმ გამოაცხადა, რომ თავდაცვის მინისტრის გადაყენების გადაწყვეტილება მიიღო. მისი თქმით, ახალი თავდაცვის მინისტრი ყირიმელი თათარი, რუსტემ უმეროვი იქნება, რომელიც სახელმწიფო საკუთრების ფონდის უფროსი იყო.
