უკრაინის პრეზიდენტის, ვოლოდიმირ ზელენსკის თქმით, უკრაინული წარმოების იარაღის მეშვეობით შეძლეს 700 კილომეტრში მდებარე სამიზნეზე იერიშის მიტანა.
"სტრატეგიული მრეწველობის სამინისტრომ [მომახსენა] საკუთარ ნაწარმზე. ჩვენი შორს დამრტყმელი იარაღის წარმატებულ გამოყენებაზე: სამიზნეზე იერიში მიტანილია 700 კილომეტრში". – თქვა ზელენსკიმ.
უკრაინის პრეზიდენტს დამატებითი დეტალები არ დაუკონკრეტებია, თუმცა, სავარაუდოდ, საუბარია კურსკის აეროპორტზე 30 აგვისტოს მიტანილ იერიშზე.
როგორც რუსული სამთავრობო მედია იუწყებოდა, იერიშის შედეგად დაზიანდა 4 ცალი Ил-76-ის ტიპის სამხედრო-სატრანსპორტო თვითმფრინავი.
