თბილისის მერიის ცნობით, ძლიერმა წვიმამ და ქარმა დედაქალაქს პრობლემები შეუქმნა. მერიის განცხადებით, დაიტბორა ქუჩები და მიწისქვეშა გადასასვლელები. ასევე, წაიქცა ხეები და დაზიანდა ელექტროსადენები.
"თბილისის მუნუციპალიტეტის ყველა შესაბამისი უწყება, შსს-ს საგანგებო სიტუაციების მართვის სამსახურთან ერთად, სრულად არის მობილიზებული და დაწყებულია პრობლემების აღმოფხრა. ადგილზე იმყოფებიან თბილისის ყველა რაიონის გამგეობების წარმომადგენლები". - წერია მერიის განცხადებაში.
თბილისის მერია მოსახლეობას მოუწოდებს, რომ ქუჩაში გადაადგილებისგან თავი შეიკავონ, საჭიროების შემთხვევაში კი მერიის ცხელ ხაზზე ( 2 72 22 22) დარეკონ.
