საგარეჯოს მუნიციპალიტეტში ავარიას უცხო ქვეყნის მოქალაქე ემსხვერპლა. ავტოსაგზაო შემთხვევა სოფელ მანავში მოხდა.
მედიაში გავრცელებული ინფორმაციით, თბილისის მიმართულებით მოძრავი მსუბუქი ავტომანქანა მოცურდა, რის შემდეგაც სხვა ავტომანქანას, შემდეგ კი მიკროავტობუსს შეეჯახა. დაშავდა 7 მგზავრი.
როგორც ტაბულას შსს-ში უთხრეს, გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.