ხობის მუნიციპალიტეტის სოფელ ხამისკურში მომხდარი ავტოსაგზაო შემთხვევის შედეგად 5 ადამიანი დაშავდა.
სადისტრიბუციო მიკროავტობუსის მძღოლმა თავდაპირველად მანქანასთან შეჯახების შემდეგ საჭის დამორჩილება ვერ მოახერხა და ზუგდიდი-სენაკის მიმართულებით მოძრავ სამგზავრო მიკროავტობუსს დაეჯახა.
ინფორმაციას ტაბულას შინაგან საქმეთა სამინისტრო უდასტურებს.
მომხდარზე გამოძიება სისხლის სამართლის კოდექსის 276-ე მუხლით არის დაწყებული, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
