კობახიძე: პროვოკაციაა, როცა რუსეთიდან შემოსულს ჟურნალისტი დასდევს და კითხვებს უსვამს

ეს იყო პროვოკაცია. როდესაც შემოდის რუსეთიდან ადამიანი და ჟურნალისტი დასდევს, კითხვებს უსვამს ამ თემაზე, ეს ხომ თავისთავად უკვე პროვოკაციაა? სერბეთში რომ ჩავიდნენ ფრანგი, გერმანელი და ამერიკელი ტურისტები და მათ რომ გაეკიდოს ჟურნალისტი და კითხვა დაუსვას კოსოვოსთან დაკავშირებით, ნახევარზე მეტი გეტყვით, რომ კოსოვო არის დამოუკიდებელი სახელმწიფო და არ არის სერბეთის ნაწილი. ეს იმას კი არ ნიშნავს, რომ ეს გერმანელი, ფრანგი და ამერიკელი ტურისტები ცუდი ადამიანები არიან - რაც უთხრეს, იმას იმეორებენ. ეს არის რეალობა, მაგრამ როგორც კი ჟურნალისტი გაეკიდება ამ ადამიანებს და დაუსვამს ამ კითხვებს, მერე ამას აშუქებს, ეს არის ჩვეულებრივი პროვოკაცია, ეს არის ნაცმოძრაობის პროვოკაცია. მხოლოდ ის ტელევიზიები აკეთებდნენ ამას, რომლებიც ეკუთვნის ნაცმოძრაობას.