რუსეთის კრასნოდარის ოლქის სანაპიროს მახლობლად, აზოვის ზღვაში მოიერიშე თვითმფრინავი Cу-25 ჩამოვარდა.
რუსულ სამთავრობო მედიაში წერენ, რომ პილოტმა კატაპულტირება მოასწრო და მაშველებმა მისი ოპერატიულად ევაკუირება შეძლეს. შემდეგ რუსული სამთავრობო მედიების წყაროები ამბობდნენ, რომ ცდილობდნენ პილოტის რეანიმაციას. პარალელურად რუსულ ტელეგრამ-არხებზე, 112-სა და Mash-ზე წერენ, რომ პილოტი მოკვდა.
რუსეთის სამხრეთის სამხედრო ოკრუგის პრესსამსახურის ინფორმაციით, მოიერიშე თვითმფრინავი სასწავლო ფრენის დროს ჩამოვარდა და შემთხვევის წინასწარ მიზეზად ძრავის გაუმართაობა დაასახელეს.
