12 ივლისს ჩრდილოეთ კორეამ კონტინენტთაშორისი ბალისტიკური რაკეტა გაუშვა. ამის შესახებ ინფორმაციას იაპონიის თავდაცვის სამინისტრო ავრცელებს.
სამინისტროს ინფორმაციით, რაკეტა დაახლოებით 74 წუთი ფრინავდა და ჯამში 1 000 კილომეტრი დაფარა. ის იაპონიის წყლების სიახლოვეს დაეშვა.
ბალისტიკური რაკეტის გაშვებამდე ფხენიანი იმუქრებოდა, რომ აშშ-ის ჯაშუშურ თვითმფრინავებს ჩამოაგდებდა მას შემდეგ, რაც, მათი მტკიცებითი, ისინი ჩრდილოეთ კორეის ტერიტორიაზე შეიჭრნენ.
კონტინენტთაშორისი ბალისტიკური რაკეტის გამოცდა დაემთხვა NATO-ს სამიტს ვილნიუსში, სადაც ქვეყნების, მათ შორის სამხრეთ კორეის, იაპონიისა და აშშ-ს ლიდერები უსაფრთხოების საკითხების განსახილველად, მათ შორის ჩრდილოეთ კორეის საფრთხის შესახებ სასაუბროდ იკრიბებიან.
სამხრეთი კორეის პრეზიდენტმა, იუნ სუკ იოლმა რაკეტის გაშვების საპასუხოდ ვილნიუსში ეროვნული უშიშროების საბჭოს საგანგებო სხდომა გამართა.
