უკრაინის საჰაერო თავდაცვის ძალებმა გასულ ღამეს 15 ირანული შაჰედის დრონებიდან 11 გაანადგურეს. ამის შესახებ ქვეყნის საჰაერო ძალები ინფორმაციას Telegram-ზე ავრცელებს.
"12 ივლისის ღამით რუსმა ოკუპანტებმა უკრაინას ირანული შაჰედის დრონებით ჩრდილო-აღმოსავლეთიდან (კურსკი) შეუტიეს. თავდასხმაში სულ 15 კამიკაძე დრონი მონაწილეობდა, მათგან 11 განადგურებულია". - წერია განცხადებაში.
უკრაინის სარდლობის ინფორმაციით, ჯერჯერობით უცნობია 4 უპილოტო საფრენი აპარატით დარტყმის შედეგები.
ოკუპანტების გუშინდელი თავდასხმის ერთ-ერთი ობიექტი კვლავ უკრაინის დედაქალაქი იყო. კიევის ადმინისტრაციამ რაოდენობის დაკონკრეტების გარეშე აღნიშნა, რომ საჰაერო თავდაცვამ ყველა უპილოტო საფრენი აპარატი გაანადგურა.
