პოლონეთის საგარეო საქმეთა მინისტრმა ზბიგნევ რაუმ აღნიშნა, რომ რუსეთის მიერ ზაპოროჟიეს ატომურ ელექტროსადგურზე თავდასხმის შემთხვევაში ვარშავას პასუხი "ადეკვატური" ექნება.
"ეს იქნება სრულიად ახალი ვითარება. ამიტომ ჩვენ ადეკვატურად ვუპასუხებთ". - თქვა რაუმ.
მინისტრმა დასძინა, რომ ასეთი დარტყმა NATO-ს ტერიტორიის მნიშვნელოვან ნაწილზე იქონიებს გავლენას.
"ამიტომ, ამას შესაბამისი რეაგირება დასჭირდება. ნუ ელით, რომ ზუსტად გეტყვით, რა იქნება ეს პასუხი". - აღნიშნა მან.
აქამდე უკრაინის შეიარაღებულმა ძალებმა აღნიშნეს, რომ რუსებმა, შესაძლოა, მალე დაიწყონ მზადება ზაპოროჟიეს ატომურ ელექტროსადგურზე პროვოკაციებისთვის - მათ ორი ელექტროსადგურის სახურავებზე ასაფეთქებელი ნივთიერებების მსგავსი ობიექტები განათავსეს.
NATO-ს სამხედრო კომიტეტის თავმჯდომარემ, რობ ბაუერმა თქვა, რომ რუსეთის მიერ ზაპოროჟიეს ატომურ ელექტროსადგურზე თავდასხმის შემთხვევაში, მას შედეგები მთელი მსოფლიოს მასშტაბით მოჰყვება.
