გერმანიაში უკრაინელი სამხედროების Abrams-ის ტიპის ტანკებზე წვრთნები დაიწყო. წვრთნებში დაახლოებით 400-კაციანი ჯგუფი იღებს მონაწილეობას.
ოფიციალური წარმომადგენლის თქმით, წვრთნა გერმანიაში დაახლოებით 10-12 კვირა გაგრძელდება და ფოკუსირებული იქნება ტანკების მართვაზე, ტანკების მანევრირებასა და მოვლაზე.
აშშ-ს თავდაცვის დეპარტამენტის წარმომადგენლის ცნობით, სპეციალურად უკრაინელების წვრთნებისთვის გერმანიაში დაახლოებით 31 ტანკი გაგზავნეს.
"როგორც აქამდე განვიხილეთ, ეს ვრცელი საწვრთნელი პროგრამა უკრაინის ეკიპაჟებისთვისა და ტანკების ტექნიკური მომსახურების ჯგუფებისთვის მიზნად ისახავს მათ მომზადებას მომავალში მნიშვნელოვანი როლის შესასრულებლად, M-1 ტანკების ეფექტიანი მართვისთვის და უკრაინელი ხალხის დასაცავად". – თქვა 15 მაისის ბრიფინგზე პატ რაიდერმა.