ბერლინის პოლიციამ ორი რუსი ჟურნალისტის მოწამვლის ფაქტზე გამოძიება დაიწყო. ჟურნალისტები ბერლინში გასულ თვეს კრემლის კრიტიკოსის, მიხაილ ხოდორკოვსკის მიერ ორგანიზებულ კონფერენციაზე იყვნენ.
რუსული საგამოძიებო მედიის Agentstvo-ს ანგარიშში ნათქვამია, რომ ორ მონაწილეს, რომლებიც 29-30 აპრილს ბერლინში შეხვედრას ესწრებოდნენ, ჯანმრთელობის პრობლემები აქვთ. Agentstvo-ის ინფორმაციით, ერთ-ერთი მათგანი ფონდ Free Russia Foundation-ის ხელმძღვანელი, ნატალია არნოა. მეორე კი ჟურნალისტია, რომელმაც რუსეთი ცოტა ხნის წინ დატოვა.
არნომ თავისი ისტორია Facebook-ზე დაწერა, სადაც ამბობდა, რომ მას "უცნაური სიმპტომები" აღენიშნებოდა, ჰქონდა ტკივილები და დაბუჟება, რომელიც ბერლინში დაეწყო და პრაღაში ჩაფრენის შემდეგ გააუარესდა.
Agentstvo-ს ინფორმაციით, არნოს შესაძლო მოწამვლას აშშ-ის გამოძიების ფედერალური ბიურო (FBI) იძიებს.