თბილისში, ართვინის ქუჩაზე, კედლის მოწყობის სამუშაოების დროს ორი მუშა დაიღუპა. გავრცელებული ინფორმაციით, სამუშაოების შესრულების დროს მიწის ფერდობი ჩამოიშალა და მუშების გარდაცვალება ამან გამოიწვია.
შინაგან საქმეთა სამინისტრომ გამოძიება 240-ე მუხლის მე-2 ნაწილით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია - ისჯება შინაპატიმრობით ექვსი თვიდან ორ წლამდე, ან თავისუფლების აღკვეთით ორიდან ხუთ წლამდე.
