რუსეთის მიერ უკრაინაში წარმოებულ ომს კიდევ ერთი ჟურნალისტისა და სამხედროს სიცოცხლე ემსხვერპლა. ვოლოდიმირ მუკანის დაღუპვის შესახებ ინფორმაცია მისივე Facebook-ით ვრცელდება.
ომის დაწყებამდე ვოლოდიმირ მუკანი უკრაინული გამოცემის, Газеті по-українськи-ის, ჟურნალ Країна-სა და Gazeta.ua-ს ჟურნალისტი და რედაქტორი იყო.
უკრაინელი ჟურნალისტი და სამხედრო 29 აპრილს საბრძოლო დავალების შესრულებისას ბახმუტში მიმდინარე საომარ მოქმედებებს ემსხვერპლა.