ფინეთის პრემიერმინისტრის, სანა მარინის თქმით, ის სოციალ-დემოკრატიული პარტიის ლიდერის თანამდებობას ტოვებს. მომდევნო კვირიდან ახლად არჩეულ პარლამენტში სანა მარინი მხოლოდ პარლამენტარის სტატუსით ისარგებლებს.
"შემდეგი კვირიდან მე პარლამენტარის სტატუსით გავაგრძელებ მუშაობას. იმედი მაქვს, ჩემს ცხოვრებაში მეტი სიმშვიდე იქნება". - აღნიშნა ფინეთის პრემიერმა.
სანა მარინის თქმით, ის საპრეზიდენტო არჩევნებში მონაწილეობის მიღებას არ აპირებს.
ფინეთის საპარლამენტო არჩევნებში კონსერვატიული პარტიის ლიდერმა, პეტერი ორპომ პრემიერმინისტრი, სანა მარინი დაამარცხა. ფინეთის სოციალ-დემოკრატიულმა პარტიამ, რომლის ლიდერიც სანა მარინია, არჩევნებში მესამე ადგილი დაიკავა.
სანა მარინი მსოფლიოში ყველაზე ახალგაზრდა პოლიტიკოსი იყო, რომელმაც აღნიშნული პოსტი დაიკავა. ის ფინეთის პრემიერი 2019 წელს, 34 წლის ასაკში გახდა.