2023 წლის თებერვალში თბილისში სულ 3 383 ბინა გაიყიდა, რაც იანვრის მაჩვენებელს 19%-ით, ხოლო გასული წლის თებერვლის მონაცემებს 12%-ით აღემატება. თიბისი კაპიტალის მონაცემებით, გაიზარდა საშუალო გასაყიდი ფასიც და 1 კვადრატულ მეტრზე 1 136$-ს გაუტოლდა.
თებერვალში გაყიდული ბინებიდან 746 ახალი იყო, რაც 2022 წლის თებერვალთან შედარებით 5%-ით მეტია. რაც შეეხება ძველი ბინების გაყიდვას, წლიური ზრდა 14%-ს გაუტოლდა, ხოლო წინა თვესთან შედარებით 15%-ანი მატება დაფიქსირდა.
გასაყიდი ფასის ზრდით სამი უბანი ლიდერობს. ესენია:
- ვაკე +46%
- ნაძალადევი +39%
- ისანი +34%
2023 წლის თებერვალში გაყიდული ბინების 72% 75 კვ.მ-ზე ნაკლები ფართობისაა. მთლიან გაყიდვებში ყველაზე დიდი წილი კვლავ (41%) 50-დან 75 კვ.მ-მდე ფართობის ბინებს უკავია. 125 კვ.მ-ს გაყიდული ბინები დაახლოებით 6%-ია.
თებერვალში გაყიდული ბინების რაოდენობის მიხედვით ლიდერობდა დიდი დიღომი, რომელმაც საბურთალოს 2021 წლის აპრილის შემდეგ პირველად გადაასწრო. ხოლო მიმდინარე წლის თებერვალში წინა წელთან შედარებით ახალი ბინების გაყიდვების ყველაზე მაღალი ზრდა დაფიქსირდა:
- ნაძალადევში (+250%)
- დიდუბეში (+64%)
- გლდანში (+37%).
აღსანიშნავია, რომ ყველაზე მაღალი გასაყიდი ფასი თებერვალში დაფიქსირდა მთაწმინდასა და ვაკეში, 1 კვადრატულ მეტრზე 1 800 $-ზე მეტი ღირებულებით.
კვადრატულ მეტრზე ფასების სიმაღლის მიხედვით უბნების გადანაწილება ასე გამოიყურება:
- მთაწმინდა
- ვაკე
- საბურთალო
- ჩუღურეთი
- დიდუბე
- ისანი
- კრწანისი
- ნაძალადევი
- დიდი დიღომი
- გლდანი
- სამგორი