მომღერალი The Weeknd ოფიციალურად ყველაზე პოპულარული არტისტი გახდა. კანადელმა მუსიკოსმა მოსმენებით გინესის წიგნის რეკორდი დაამყარა.
20 მარტისთვის ის ყველაზე პოპულარული მუსიკალური პლატფორმის, Spotify-ს ყველაზე მოსმენადი არტისტია. ყოველთვიურად The Weeknd-ს 111.4 მილიონი მოსმენა აქვს. ის ასევე ისტორიაში პირველი არტისტია, რომელსაც ყოველთვიურად 100 მილიონზე მეტი მოსმენა აქვს.
ყველაზე ახლოს The Weeknd-თან მაილი საირუსია. ამერიკელ მომღერალს ყოველთვიურად 82.4 მილიონი მოსმენა აქვს. მომდევნო ხუთეული კი ასე გამოიყურება:
- შაკირა (81.6 მილიონი)
- არიანა გრანდე (80.6 მილიონი)
- ტეილორ სვიფტი (80.2 მილიონი)
- რიანა (78.5 მილიონი)
- ედ შირანი (77.5 მილიონი)