გასულ კვირაში გამოიკვეთა ფრანკლინის კლუბის აქტივობა. ფრანკლინის კლუბი არის უცხოური გავლენის აგენტი, რომელიც ასეულობით ათასი ლარით ფინანსდება. მისი მხარდამჭერია ამერიკული ორგანიზაცია Atlas Network-ი, რომელიც წარსულში ძალადობრივ და არაძალადობრივ პროტესტს აორგანიზებდა მსოფლიოს არაერთ ქვეყანაში, ასევე აქტიურად მუშაობდა ბრექსიტზე, ანუ, ევროკავშირიდან დიდი ბრიტანეთის გამოყოფაზე. ფრანკლინის კლუბი პოლიტიკური აქტივიზმისთვის ახორციელებს, როგორც სტუდენტების, ისე არასრულწლოვანი სკოლის მოსწავლეების რეკრუტირებას. სტუდენტების მობილიზება ხდება არსებითად ორი უნივერსიტეტის ბაზაზე. ეს არის კახა ბენდუქიძის მიერ ერთ დროს 1 ლარად მითვისებული თავისუფალი უნივერსიტეტი და გიული ალასანიას მიერ ასევე 1 ლარად მითვისებული საქართველოს უნივერსიტეტი. აქტივობისთვის ფრანკლინის კლუბი აქტიურად იყენებს საქართველოს უნივერსიტეტის ინფრასტრუქტურას. კლუბის მრჩეველთა საბჭოს წევრები არიან ორივე აღნიშნული უნივერსიტეტის რექტორები, ვატო ლეჟავა და კონსტანტინე თოფურია, აგრეთვე სხვა რეაქციონერი ნაციონალები, როგორებიც არიან ლევან რამიშვილი, გია ნოდია და სხვები. ფრანკლინის კლუბში ტრენინგებს ატარებენ ზურაბ ჯაფარიძე, გიორგი მშვენიერაძე, გიორგი მელაძე და ოპოზიციის სხვა ექსტრემისტი ლიდერები, რომლებიც მსმენელებს რევოლუციურ გეგმებზე აქტიურად ელაპარაკებიან.
ქართული ოცნება
კობახიძე: გასულ კვირაში გამოიკვეთა ფრანკლინის კლუბის აქტივობა, ის უცხოური გავლენის აგენტია
tbl.ge/6b0n
დაკოპირდა
ამბობს ქართული ოცნების თავჯდომარე, ირაკლი კობახიძე.
ირაკლი კობახიძექართული ოცნებაფრანკლინის კლუბიკანონპროექტი უცხოური გავლენის გამჭვირვალობის შესახებრუსული კანონი
ამავე თემაზე
- ხაინდრავა: ამხანაგმა სალომემ ცკ-ში გვიჩივლა, მოითხოვა ევროს-სპეცნაზის გადმოსროლა
- ზარქუა მეთიუ მილერს: არ იუ ქიდინგ, მაი ფრენდ?
- ოდიშარია: გეუბნები, შენ არ მიგულისხმიხარ-თქო და მაინც საკუთარ თავზე იღებ – გიხარია?
- ზარქუა ოდიშარიაზე: კაცმა თქვა კუთხეში თავისთვის რაღაც, ვის არ შეგიგინიათ ოჯახში
- ბოჭორიშვილი ბოკუჩავას: შენ რომ აყენებ ადამიანებს შეურაცხყოფას, მაგაზე თუ იხდი ბოდიშს?