ბრიტანეთის ყოფილმა პრემიერმინისტრმა ბორის ჯონსონმა დავოსში, მსოფლიო ეკონომიკურ ფორუმზე თქვა, რომ რუსული აქტივების ჩამორთმევისა და გაყიდვის შესახებ კანონებს მხარს დაუჭერს. მისი თქმით, ეს ფული უკრაინის აღდგენის დასაფინანსებლად უნდა გამოიყენონ.
აშშ-მ და კანადამ რუსული აქტივების ჩამორთმევისა და გაყიდვის პროცესი უკვე დაიწყეს.
ამასთან, უკრაინის დედაქალაქის მერმა, ვიტალი კლიჩკომ ბორის ჯონსონს, როგორც უკრაინაში რუსეთის წინააღმდეგ დიდი ხნის განმავლობაში მებრძოლს, კიევის საპატიო მოქალაქის ტიტული გადასცა.
