გარემოს ეროვნული სააგენტოს ცნობით, 28 აგვისტომდე საქართველოში შენარჩუნდება ცხელი და უმეტესად უნალექო ამინდი. ჰაერის ტემპერატურა დასავლეთ საქართველოში 35, 40, სანაპირო რაიონებში 32, 37, აღმოსავლეთ საქართველოში კი - 31, 36 გრადუსის ფარგლებშია მოსალოდნელი.
"ჰაერის მაღალ ტემპერატურასთან ერთად კოლხეთის დაბლობზე, ზემო იმერეთში, შავი ზღვის სანაპირო რაიონებში, გორი-სურამის მონაკვეთზე და მთიანი რეგიონების ზოგიერთ რაიონში ძლიერი ქარიცაა მოსალოდნელი, რაც კიდევ უფრო გაზრდის ტყის ხანძრების გაჩენის რისკს" - აცხადებს გარემოს ეროვნული სააგენტო.