რადგან სახალხო დამცველზე ჩამოვარდა სიტყვა, ამ კონტექსტშიც უნდა ვახსენოთ. როდესაც ნაცძმოძრაობის მიერ წინა ქსენოფობიური კამპანია აგორდა, მაშინ ჩვენი მოწოდებების მიუხედავად, ნინო ლომჯარიას 10 დღე დასჭირდა იმისთვის, რომ ქსენოფობიასთან დაკავშირებით განცხადება გაეკეთებინა. შეგახსენებთ, რომ ეს სახალხო დამცველის პირდაპირი მოვალეობაა. როდესაც დისკრიმინაციული კამპანია, ეთნიკური შუღლი და შოვინიზმი ღვივდება, სახალხო დამცველი ამას პირველივე დღეს და პირველივე წამებზე უნდა გამოეხმაუროს. მარტში კი მას გამოხმაურებისთვის 10 დღე დასჭირდა. ახლაც, ჯერჯერობით, მისგან არავითარი განცხადება არ გვესმის. ეს ადამიანი პოლიტიკურ პროცესებში პირდაპირ ჩართულია. უფრო მეტიც, როგორც მამუკა მდინარაძემაც აღნიშნა, ის პირდაპირ იყო ჩართული იმ კამპანიაში, რომლის ფარგლებშიც მოხდა, მაგალითად: მთავრობის გადადგომის მოთხოვნის წამოყენება, ე.წ. ტექნიკური მთავრობის შექმნის მოთხოვნის წამოყენება და ა.შ. ნინო ლომჯარიას რეიტინგი არ აქვს, მაგრამ პოლიტიკოსობას ცდილობს. საბოლოო ჯამში, მას 7 დეკემბერს ეწურება ვადა და საბოლოოდ შეიძენს იმ სტატუსს, რომელიც რეალურად, არაფორმალურად დღესაც აქვს. ცდილობს იყოს პოლიტიკოსი და ალბათ, დეკემბერში გახდება კიდეც, ამაში დარწმუნებულები ვართ.
tbl.ge/63kz
დაკოპირდა
თქვა ქართული ოცნების თავმჯდომარემ, ირაკლი კობახიძემ სახალხო დამცველზე, ნინო ლომჯარიაზე პარტიის ოფისში გამართულ ბრიფინგზე.
ამავე თემაზე
- ირაკლი კობახიძე უნგრეთში დაგეგმილ კონსერვატორთა კონფერენციის ერთ-ერთი სპიკერი იქნება
- კობახიძე: მადლობა ბატონ ბიძინას, რომელმაც ნაკრების ჯგუფიდან გასვლისთვის ჯილდო დააწესა
- ხაინდრავა: ამხანაგმა სალომემ ცკ-ში გვიჩივლა, მოითხოვა ევროს-სპეცნაზის გადმოსროლა
- ზარქუა მეთიუ მილერს: არ იუ ქიდინგ, მაი ფრენდ?
- ოდიშარია: გეუბნები, შენ არ მიგულისხმიხარ-თქო და მაინც საკუთარ თავზე იღებ – გიხარია?