თურქეთში, ქალაქ ხოფასთან ავტობანზე კლდე ჩამოიშალა. დაიღუპა ერთი და დაშავდა ორი ადამიანი.
გავრცელებული ინფორმაციით, სავარაუდოდ, კლდე 08:10-ზე ჩამოიშალა. შემთხვევის შედეგად დაზიანდა სამი სატვირთო მანქანა. ართვინის გუბერნატორის, ილმაზ დორუქმის ცნობით, დაშავებულთა სიცოცხლეს საფრთხე აღარ ემუქრება. გუბერნატორმა ასევე აღნიშნა, რომ დაღუპული მოქალაქე აზერბაიჯანელია.
გზა გადაკეტილია და გაწმენდითი სამუშაოები მიმდინარეობს.