იტალიურმა კომპანია Eni-მ Qatar Energy-სთან 28.75 მილიარდი დოლარის ღირებულების პროექტ North Field East-ს ხელი მოაწერა, მას შემდეგ, რაც რუსეთმა, რამდენიმე დღის წინ, იტალიაში გაზის მიწოდება შეამცირა.
აღნიშნული პროექტი ბუნებრივი აირის წარმოების გაფართოებას ისახავს მიზნად. Qatar Energy-ის აღმასრულებელმა დირექტორის ცნობით, იტალიური კომპანია პროექტის 3%-ზე მეტ წილს ფლობს.
Qatar Energy-ის შეფასებით, North Field East პროექტი მსოფლიოს ძირითადი გაზის რეზერვების დაახლოებით 10%-ს მოიცავს.
ყატარმა გასულ კვირას განაცხადა, რომ ფრანგული კომპანია TotalEnergies-ის მისი პირველი და უმსხვილესი უცხოელი პარტნიორი იქნება, 6.25%-იანი წილით.
რუსეთი ევროკავშირს ბუნებრივი აირის 40%-ს აწვდის, თუმცა, რუსეთ-უკრაინის ომის ფონზე, ევროკავშირმა პირობა დადო, რომ უახლოესი ერთი წლის განმავლობაში, რუსეთიდან იმპორტირებული გაზის მოცულობას 2/3-ით შეამცირებს.