გერმანია რუსეთისგან გაზის იმპორტზე დამოკიდებულების შესამცირებლად თხევადი ბუნებრივი აირის ალტერნატივებს იძიებს. თხევადი გაზის ტრანსპორტირებისთვის გერმანიამ მცურავი საცავის რეგაზიფიკაციის ერთეული (FSRU) იქირავა.
FRSU-ი წარმოადგენს სპეციალური ტიპის გემს, რომელიც ოკეანის არხებში თხევადი ბუნებრივი აირის (LNG)-ის ტრანსპორტირებისთვის გამოიყენება.
FRSU-ზე მოთხოვნა მას შემდეგ გაიზარდა, რაც ევროკავშირის ქვეყნებმა რუსული გაზის ჩანაცვლებისთვის რესურსების მოძიება დაიწყეს. FRSU-ები გერმანიის სტრატეგიის ძირითადი ნაწილია, ვინაიდან მუდმივი LNG ტერმინალის აშენებას დიდი დრო და რესურსი სჭირდება.
გერმანიის ენერგორესურსების მარაგებში რუსეთიდან იმპორტირებული გაზის ხვედრითი წილი დაახლოებით 1/3-ია. ბერლინმა განაცხადა, რომ რუსული გაზის საბოლოოდ ჩანაცვლებას დაახლოებით 2 წელი დასჭირდება.
ასევე, გერმანიის ეკონომიკის მინისტრი, რობერტ ჰაბეკი გასულ კვირებში, მოლაპარაკებების მიზნით, გაზის მწარმოებელ ქვეყნებს, ნორვეგიასა და ყატარს ეწვია.
გერმანიის პირველი FRSU-ს სიმძლავრე 7.5 წელიწადში მილიარდი კუბური მეტრი იქნება, რაც გერმანიაში გაზზე საერთო მოთხოვნის 8.5%-ია.
პორტიდან საქალაქთაშორისო სატრანსპორტო მილსადენებსა და მიწისქვეშა საწყობებთან დამაკავშირებელ ხაზს რეგულირებადი მილსადენის კომპანია OGE აშენებს.
გრძელვადიან პერსპექტივაში, ქვეყნის მიზანია სრულად განახლებად გაზზსა და სუფთა წყალბადზე გადასვლა, გერმანიის კლიმატის დაცვის პოლიტიკის შესაბამისად.