ანატოლი ჩუბაისმა დატოვა რუსეთის ფედერაციის პრეზიდენტის, ვლადიმირ პუტინის სპეციალური წარმომადგენლის პოსტი საერთაშორისო ორგანიზაციებთან ურთიერთობის საკითხებში მდგრადი განვითარების მიზნების მისაღწევად.
ინფორმაციას ადასტურებს რუსული სამთავრობო მედია ТАСС-ი.
ამას გარდა, Bloomberg-ის ინფორმაციით, ჩუბაისმა რუსეთიც დატოვა. ამ ინფორმაციას ТАСС-თან ადასტურებს ჩუბაისთან დაახლოებული პირიც.
რუსეთის უკრაინაში შეჭრის შემდეგ, ეს არის პირველი შემთხვევა, როდესაც რუსეთში მაღალჩინოსნამა თანამდებობა დატოვა.
ჩუბაისს რუსეთის ექსპრეზიდენტის, ბორის ელცინის მთავრობის დროს ეკავა პრეზიდენტის ადმინისტრაციის მეთაურის (1996-1997), ვიცეპრემიერისა (1992-1994; 1997-1998) და ფინანსთა მინისტრის (1997 წლის მარტი-ნოემბერი) თანამდებობები. 2020 წლის 4 დეკემბერს ვლადიმირ პუტინმა ჩუბაისი დანიშნა საკუთარ წარმომადგენლად საერთაშორისო ორგანიზაციებში.
