კომპანია Maxar-ის მიერ გავრცელებული, 20 თებერვალს გადაღებული, ახალი თანამგზავრული ფოტოები უკრაინის საზღვრებთან რუსეთის ჯარების აქტივობის გაძლიერებას ასახავს.
Maxar-ის შეფასებით, რუსეთში, ბელოგრადის ჩრდილო-დასავლეთით და სოლოტის და ვალუეკის ახლოს შეინიშნება რუსეთის სამხედრო ძალების ახალი განლაგება. ეს ტერიტორიები 35 კილომეტრშია რუსეთ-უკრაინის საზღვრიდან.
"ეს აქტივობა განსხვავდება ქვედანაყოფების აქამდე შემჩნეულ განლაგებისგან. ბოლო დრომდე ისინი განლაგებული იყვნენ ან გარნიზონებთან და სასწავლო პოლიგონებზე ან მათ ახლოს. ახლა (კვირას) ქვედანაყოფების უმეტესობამ და აღჭურვილობამ სოლოტი დატოვა, მთელ რაიონში შეიმჩნევა სატრანსპორტო საშუალებების და ჯავშანტექნიკის გადაადგილების კვალი." - აღნიშნავს Maxar-ი.
სამხედრო ტექნიკის ნაწილი განლაგებულია ვალუეკში, უკრაინის საზღვრიდან დაახლოებით 15 კილომეტრის დაშორებით.
სამხედრო მანქანების გადაადგილება სოლოტის სამხრეთით, 20.02.2022Maxar Technologies
ვერტმფრენის დასაფრენად მომზადებული ტერიტორია. 20.02.2022Maxar Technologies
რუსეთის მცირე რამზების განლაგება, უკრაინის საზღვრიდან დაახლოებით 20 მილის დაშორებით, ბელოგრადთანა ახლოსMaxar Technologies
რუსული სამხედრო ნაწილები ქალაქ ვალუეკის აღმოსავლეთითMaxar Technologies
