ომიკრონის ცირკულაცია მომატებულია ქვეყანაში. ჩვენი გათვლებით, შემთხვევების, დაახლოებით, 90% გახლავთ ომიკრონი. მოგეხსენებათ, რომ გვახლავს ომიკრონის ორი ქვეშტამი. ერთი, რომელმაც ცირკულაცია დაიწყო ნოემბერში, ე.წ BA1 და შემდგომ გაჩნდა მეორე – BA2 და ჩვენთან ორივე იდენტიფიცირებულია, როგორც მოლეკულური სეკვენირებით, ისე სხვა დამატებითი მუტაცია სპეციფიკური PCR-ტესტებით.
ამ მეორე შტამს, როგორც საერთაშორისო ლიტერატურიდანაა ცნობილი, ახასიათებს კიდევ უფრო სწრაფი გადადების და, დიდი ალბათობით, ეს სწრაფი აღმავალი ტალღა მასთანაა დაკავშირებული, მაგრამ იგივე A1-თან შედარებით, ნაკლები აგრესიულობა აქვს.
დღეს მთავარი გზავნილი ჩვენი მხრიდან გახლავთ ის, რომ ომიკრონის ცირკულაცია მომდევნო 2 კვირაში გაიზრდება, კიდევ მეტი შემთხვევათა რაოდენობა გვექნება. დღეს რომ 15 000-ზე მეტია აღრიცხული, ეს ნიშნავს, რომ 15 000-ზე მეტია გამოვლენილი, მაგრამ რეალურად უნდა ვიანგარიშოთ, რომ 3-4-ჯერ მეტია სინამდვილეში. ეს არის უსიმპტომო ან მცირე სიმპტომების შემთხვევები.
მთავარი გზავნილი ისაა, რომ თუ გეწყებათ რესპირაციული ინფექციისათვის დამახასიათებელი სიმპტომები – ხველა, სურდო, თავისა და ყელის ტკივილი და ტემპერატურის მატება – არ არის საჭირო, რომ რამდენიმე ადგილზე დაიტესტოთ და დარწმუნდეთ, გაქვთ, თუ არა. დიდი ალბათობით, უნდა თქვათ, რომ ომიკრონია და დარჩეთ სახლში, დაურეკოთ 112-ს და მართოთ მდგომარეობა, რაც გექნებათ. 90% შემთხვევებში ეს ჩაივლის სიმპტომების გარეშე ან მცირე სიმპტომებით.