საქართველოს ძიუდოს ნაკრებმა შერეულ გუნდებს შორის ევროპის ჩემპიონატზე პირველი ადგილი დაიკავა. ქართველმა ძიუდოისტებმა ავსტრიის, საფრანგეთის, თურქეთისა და ნიდერლანდების ნაკრებები დაამარცხეს.
ევროპის ჩემპიონატზე, რომელიც რუსეთის ქალაქ უფაში გაიმართა, კაცებისა (-73, -90 და +90 კგ) და ქალების (-57, -70 და +70 კგ) შერეული ნაკრებები დაუპირისპირდნენ.
ფინალურ შეხვედრაში საქართველომ ნიდერლანდების ნაკრები ანგარიშით 4-3 დაამარცხა. გადამწყვეტ დაპირისპირებაში, როდესაც ანგარიში 3-3 იყო, საქართველოს ნაკრებს გამარჯვება საბა ინანეიშვილმა მოუტანა, რომელმაც მეტოქე იპონით დაამარცხა.
აღსანიშნავია, რომ საქართველოს ძიუდოისტთა შერეულ გუნდებს შორის ევროპის ჩემპიონატის მოგება პირველად მოახერხა.
