ჩვენი, საქართველოს მოქალაქეების ვალია, განურჩევლად სტატუსისა, პროფესიისა, საქმიანობისა, ვართ პოლიტიკოსები, პოლიტიკური პარტიის წარმომადგენლები, მწერლები, პოეტები, ექიმები თუ უბრალოდ საქართველოს მოქალაქეები, რომლებსაც საქართველოს პასპორტი უდევთ ჯიბეში - ყველას გვაქვს ერთი ამოცანა, არ მოხდეს ის, რაც მოხდა რუსეთში, რაც მოხდა ბელორუსიაში. რუსული ტიპის ავტოკრატიამ საქართველოში ფესვები ვერ უნდა გაიდგას.
ვაგრძელებთ საპროტესტო მძლავრ, უწყვეტ, არაძალადობრივ მოძრაობას - პარტია ლელომ, ნაციონალურმა მოძრაობამ, გირჩი-მეტი თავისუფლებამ და დროამ მივიღეთ გადაწყვეტილება, რომ გაიმართოს პარასკევს, 3 საათზე თბილისში 3 განსხვავებული გეოგრაფიული ლოკაციიდან მსვლელობა, მანიფესტაცია, დემონსტრაცია, რაც გინდათ, ის დაარქვით. გელოდებით 3 საათზე მეტრო ავლაბართან, სადაც შეიკრიბება ენმ-ის მხარდამჭერთა დიდი ჯგუფი, მეტრო ვაგზლის მოედანთან იმავე დროს, 3 საათზე, მსვლელობას სათავეში ჩაუდგება პარტია ლელო და არა მხოლოდ, მე-3 ლოკაცია იგივე საათზე მეტროსადგური უნივერსიტეტია, ვაჟა-ფშაველას გამზირის ბოლოში. მსვლელობას სათავეში ჩაუდგება გირჩი-მეტი თავისუფლება და დროა.