გირჩი – მეტი თავისუფლების ლიდერი, ზურა ჯაფარიძე კრისტიან დანიელსონის მედიაციით შემდგარ დოკუმენტს ხელს არ მოაწერს. ინფორმაცია ტაბულას პარტიის პრესსამსახურმა დაუდასტურა.
პარლამენტის თავმჯდომარის, არჩილ თალაკვაძის თქმით, ქართული ოცნება მზად არის, 2021 წლის თვითმმართველობის არჩევნებში მხარდაჭერის 40%-იანი პრინციპი აამოქმედოს.
არჩილ თალაკვაძემ ასევე თქვა, რომ ქართული ოცნება შარლ მიშელის ეგიდით შექმნილ დოკუმენტს ხელს ცალმხრივად აწერს.
- რა წერია ევროკავშირის შეთანხმების პროექტში, რომელსაც ხელი არ მოეწერა
- ყველაფერი მოლაპარაკებების ბოლო რაუნდზე
საქართველოში 31 ოქტომბრის არჩევნების შემდეგ პოლიტიკური კრიზისია. ოპოზიციური პარტიების უმრავლესობა არჩევნების შედეგებს ლეგიტიმურად არ ცნობს და პარლამენტისთვის ბოიკოტი აქვს გამოცხადებული. ვითარება განსაკუთრებულად გაამწვავა ერთიანი ნაციონალური მოძრაობის თავმჯდომარის, ნიკა მელიას დაკავებამ, რასაც საერთაშორისო პარტნიორების მხრიდან ხელისუფლებისადმი მწვავე მოწოდებები მოჰყვა.
