სირიის პრეზიდენტს ბაშარ ალ ასადს და მის ცოლს, ასმას, Covid-19 დაუდასტურდათ. ოფიციალური განცხადების თანახმად, ასადი და მისი ცოლი თავს კარგად გრძნობენ და მუშაობას სახლიდან, იზოლაციაში გააგრძელებდნენ. ასმა ალ ასადმა 2019 წელს ძუძუს კიბო დაამარცხა.
თებერვლის შუა რიცხვებიდან სირიაში კორონავირუსის შემთხვევების რიცხვმა მნიშვნელოვანად მოიმატა. ჯანდაცვის სამინისტრომ ჯანდაცვის სფეროს წარმომადგენლების ვაქცინაცია ერთი კვირის წინ დაიწყო.
ბაშარ ალ ასადის მმართველობის დროს სირიაში სამოქალაქო ომი დაიწყო და დღემდე გრძელდება. ასადის მთავრობას ადანაშაულებენ საკუთარი მოსახლეობის წინააღმდეგ ქიმიური იარაღის გამოყენებაში.
