თბილისის მერი, კახა კალაძე ტელეწამყვანი ჯულიეტა ვაშაყმაძის გარდაცვალების გამო მწუხარებას გამოთქვამს. კალაძე გარდაცვლილის ოჯახს სამძიმარს უცხადებს.
"გარდაიცვალა ჯულიეტა ვაშაყმაძე – ყველასთვის საყვარელი ტელეწამყვანი და მსახიობი. მან დიდი როლი ითამაშა ქართული ტელევიზიის ისტორიაში. ის იყო გამორჩეული სახე როგორც სატელევიზიო ეკრანზე, ისე კინოში.
ვწუხვარ და ვიზიარებ მისი ოჯახის და ახლობლების ტკივილს". – წერს კალაძე.
ცნობილი ქართველი ტელეწამყვანი ჯულიეტა ვაშაყმაძე 87 წლის ასაკში გარდაიცვალა.
