თბილისში გაუპატიურებისა და ძალადობით ჩადენილი თვითნებობის ფაქტზე 2002 წელს დაბადებული კაცი დააკავეს. ინფორმაციას შინაგან საქმეთა სამინისტრო ავრცელებს.
უწყების ცნობით, "ი.ზ.-მ 1995 წელს დაბადებულ მ.ბ.-ს, მისსავე სახლში, სიტყვიერი და ფიზიკური შეურაცხყოფა მიაყენა, რის შემდეგაც, მსხვერპლის ნების საწინააღმდეგოდ, მასთან სქესობრივი კავშირი დაამყარა".
გამოძიება სისხლის სამართლის კოდექსის 137-ე მუხლის პირველი ნაწილითა და 360-ე მუხლის მე-2 ნაწილით მიმდინარეობს, რაც გაუპატიურებასა და ძალადობით ჩადენილ თვითნებობას გულისხმობს. დანაშაული 6-დან 8 წლამდე პატიმრობას ითვალისწინებს.