თბილისის მერმა, კახა კალაძემ თბილისის ცენტრალური პარკის პროექტის პრეზენტაცია გამართა.
მერის თქმით, ყოფილი იპოდრომის ტერიტორიაზე იქნება იაპონური პარკი, საგანმანათლებლო ტერიტორია, პანორამული პლატფორმა, ხელოვნური ტბა, გუბურა. ასევე, კალაძის ინფორმაციით, ცენტრალურ პარკში იქნება ამფითეატრი, ბოტანიკური ბაღი, შადრევანი და პანორამული ხიდი, ფრანგული ბაღი, კვების ზონა და მდელო.
ყოფილი იპოდრომის ტერიტორიაზე თბილისის ცენტრალური პარკი გაშენდება. კალაძემ გუშინ, 5 ოქტომბერს, საგანგებო ბრიფინგზე განაცხადა, რომ ტერიტორია დედაქალაქს ბიძინა ივანიშვილმა და ფონდმა ქართუმ "სრულიად უსასყიდლოდ" გადასცეს.
